Каменец. Вуліца 40 год БССР

У межваенны перыяд мела назву “Sądowa” (з польскага “Судовая”, бо ў будынку сучаснага Цэнтра пазашкольнага развіцця ў той час меcціўся суд), пасля вайны – Чырвонаармейская. І была гэтая вуліца вельмі кароткай.

Яна цягнулася ад скрыжавання з Касцёльнай (Савецкай) да суда. У 1959 годзе згодна з праектам планіроўкі горада пачалася забудова яе другой часткі – ад былога суда да вуліцы Брэсцкай – якраз на тым месцы, дзе быў гарадскі спартовы стадыён.

Былы гарадскі стадыён, па левую руку белы будынак - сучасны касцёл. Бывший городской стадион, слева белое здание - современный костёл. — Былы гарадскі стадыён, па левую руку белы будынак – сучасны касцёл

Выгляд вуліцы 40 год БССР ад вуліцы Брэсцкай. Вид улицы 40 лет БССР от улицы Брестской. — Выгляд новай вуліцы 40 год БССР ад вуліцы Брэсцкай, 1966 год

Добраўпарадкаванне і азеляненне вуліцы ад паварота ў бок Брэсцкай. Благоустройство и озеленение улицы от поворота в сторону Брестской — Добраўпарадкаванне і азеляненне вуліцы ад паварота блізу дома №12 ў бок Брэсцкай, 1968 год

Першы дом пачалі будаваць у 1958 годзе, толькі дакладна не ведаю – ці №12 ці №16…

Дом №16 адрозніваецца ад ўсіх і вонкава і ўнутры – “сталінка” для працаўнікоў камянецкай бальніцы (адзін пад’езд, столі 3 метра ў вышыню). Іншыя дамы таксама “сталінкі”, але ўжо барачнага тыпу: непрывабны выгляд, драўляныя перакрыцці паміж паверхамі, без сутарэнняў, аніякіх выгод акрамя святла (вада з калонкі на вуліцы, прыбіральня на двары), ацяпленне – звычайная печ на дровах і брыкеце з торфа, якія захоўваліся ў цагляных дрывотнях на двары.

Ёсць яшчэ і адзіная на вуліцы “хрушчоўка”, якую пабудавалі для чыноўнікаў з райкама партыі – дом №12. У ім ужо з’явіліся ўсе выгоды: санвузел, трохі большыя пакоі, балконы, калі пабудавалі кацельную для дзіцячага садка, то ў кватэры правялі паравое ацяпленне.

Дом №12 - "хрушчоўка". Дом №12 - "хрущовка". — Дом №12 – “хрушчоўка”

Але самы незвычайны і самы новы дом на вуліцы – гэта №8, які пабудавалі ў 1981 годзе для супрацоўнікаў упраўлення сельскай гаспадаркі Камянецкага райвыканкама.

Дом "сарака пакутнікаў". Дом "сорока мученников". — Дом “сарака пакутнікаў”, 2023 год

Самі жыхары назвалі яго “домам сарака пакутнікаў” (па колькасці супрацоўнікаў), але ж чым такім яны пакутавалі? Падобнага дома ў горадзе больш няма: незвычайнае размяшчэнне кватэрных пляцовак у шахматным парадку; цікавае аздабленне цокаля рознакаляровымі аскепкамі керамічнай пліткі ў выглядзе надпісаў і малюнкаў; а ў сутарэннях – падземны нулявы паверх для бамбасховішча з радыёактыўнай і хімічнай абаронай для работнікаў будынка насупраць праз дарогу. Што яшчэ?