Пра праект “Стары Каменец”

Гэты праект робіць гісторыю нашага горада цікавай і жывой. Не жудаснай каламутай на ўроках у школе і падручніках, прыдатных толькі для падпалкі грубы, а даступнай і захапляльнай як для дзяцей, так і для сталых. Праект «Стары Камянец» адкрывае таямніцы гісторыі нашага горада і разгадвае яе мноства загадак, прэпаруючы кожную гіпотэзу пад лупай скепсісу, стоптваючы горад ножкамі і дыхаючы векавым пылам у архівах.

Праект робіць нашу гісторыю даступнай з дапамогай кампутараў і планшэтаў, а таксама на паперы ў выглядзе кнігі. Ён ствараецца не ў адзіночку, а талакою: аматарамі і прафесіяналамі. Рады ўсім і любой дапамогі – дзверы адчынены круглыя суткі, фэйс-кантроль і дрэс-код адсутнічаюць.

І нарэшце, то дзеля чаго ўсё гэта пачалося. Нам абавязкова трэба ЎСПОМНІЦЬ, кім мы былі, ЗРАЗУМЕЦЬ, кім сталі і ПАЗНАЦЬ, якімі мы будзем.

Што зроблена?

Сайт «Камянец і ваколіцы» даў прытулак праекту «Стары Камянец». Сярод гараджан было распаўсюджана 200 асобнікаў кампакт-дыскаў з імправізаваным фотаальбомам.

З часам фотаматэрыялаў назапасілася гэтулькі, што прыйшлося выносіць іх на іншы сэрвіс «Яндэкс.Фота». Са студзеня 2016 гады пачаліся штотыднёвыя публікацыі фатаграфій у раённай газеце “НК” у рубрыцы “Камянетчына на старых фота“, завошта і адгрэбла дыплом.

Што трэба зрабіць?

Ператварыць сціплаватую інтэрнэт-старонку ў годны медыя-прадукт з цікавай, а ў наступным і карыснай інфармацыяй. Гэтакі перадавы віртуальны праект, які па макулінках збірае, ратуе і захоўвае наша мінулае.

Што далей?

А далей музей горада! Талакою…

Як?!

За гады працы з камянчанамі я ўбачыў наступныя перадумовы:

  1. Людзі гатовыя перадаваць сваю маёмасць у музей і толькі ў музей і з крыўдай перажываюць, што не могуць гэтага зрабіць
  2. Школьным музеям ніхто не давярае
  3. Я, як жыхар горада і просты чалавек, у дадзеным выпадку не маю маральнага права прыняць чужую маёмасць у сваё валоданне
  4. Адказныя афіцыйныя персоны не стварылі ўмоў для атрымання вышэйпаказанай маёмасці і яе захоўванні (хоць спробы былі)
  5. Бюджэт не зможа пацягнуць чарговую стратную ўстанову (а я і не настойваю, што гэта мерапрыемства павінна быць за дзяржаўныя грошы) 

Высновы…

  1. Праект “Стары Камянец” паўстае ў выглядзе некамерцыйнай арганізацыі (фонд ці грамадская арганізацыя)
  2. Арганізацыя знаходзіць жыхароў горада, якія жадаюць і могуць дапамагчы
  3. Арганізацыя збірае і зарабляе законнымі спосабамі матэрыяльныя сродкі для выканання пункта 4
  4. Арганізацыя знаходзіць прыстойнае памяшканне для адказнага захоўвання перададзеных артэфактаў і, па магчымасці, іх экспанаванні
  5. Перадача маёмасці суправаджаецца натарыяльным афармленнем адпаведных дакументаў
  6. Выйсце на стварэнне Музея

Гэта стратэгічныя крокі. Тактыка, г.зн. тэхнічныя моманты, будуць публікавацца на гэтым сайце па меры іх вырашэння.